RECOMENDACIÓNS COVID -19
Dende o departamento de orientación queremos comunicarvos que , na páxina web, no apartado de actividades, na carpeta de orientación podedes encontrar moitos recursos e información , organizada en diferentes carpetas segundo a temática.
Aínda así aquí queremos ofrecervos unha serie de pautas para incrementar o nivel decalidade de vida nestes días de cuarentena:
1.- Manter unha rutina e visualizala cun horario
en lugar accesible para realizar unha anticipación do que acontecerá ó día
seguinte: hora de erguerse, tempo de aseo, tempo de tarefas, tempo de ocio,
tempo para as diferentes comidas do día, tempo para moverse… Lembra comezar
cada día ubicando ós nenos e nenas no día da semana e no mes no que estamos coa
axuda dun calendario.
2.- Aínda que esteamos na casa os autocoidados
son fundamentais: debemos ducharnos tódolos días, lavar os dentes despois de
comer, peitearnos,…
3.- Dentro da nosa rutina é imprescindible
establecer un tempo para as tarefas do cole de xeito que o alumnado teña
responsabilidades e adquira autonomía. Se observamos fatiga o tempo pode
repartirse entre a mañá e a tarde, evitando que fagan todo de golpe.
4.- Estratexias para organizar as tarefas do
cole:
1º.- Ver as tarefas para o noso curso nas
diferentes materias e a medida que se vaian facendo anotar as posibles dúbidas
para comunicar ó profesorado correspondente.
2º.- Autorregulación: determinar o tempo que pode
levar cada tarefa en función da dificultade, fatiga, extensión, do desfrute… e
establecer un tempo en función destas variables. Pódese facer unha lista con
todo o que van facer nese tempo de traballo e que vaian tachando o que xa
fixeron (checklist).
3º.- Manter a comunicación co profesorado sobre as
tarefas que facemos pode incrementar a motivación. Envíanos as túas producións!
5.- Adicar o tempo de ocio a facer obradoiros en
familia e compartir momentos de lecer: Obradoiro de deporte, de mandalas,
de pulseiras de macarróns, de cociña, de xogos de palabras, de contacontos,
meditación, cine… podemos anotar todas as nosas ideas en post-it ou papeis,
gardalos nun tarro e sacar un cada día.
6.- A lectura
debería formar parte do tempo de ocio dos nenos, ao igual que a televisión, o
ordenador, a tablet, as videoconsolas e o xogar. Regulando sempre o tempo que
pasen frente as pantallas e, sobre todo, o que fan e ven nelas.
7.- Ofrecer un bo modelo de comunicación e
linguaxe durante as interacións diarias. No caso de producirse un erro na
linguaxe dos nenos ou nenas ofrecerlles, en canto rematen de falar, o modelo
correcto.
8.- Ó longo destes días podemos sentir emocións
negativas como ansiedade, preocupación… é normal sentir estas emocións e
debemos xestionalas: debuxalas, dialogalas en familia, escribir cartas onde
reflexionemos para que serve esa emoción. Por exemplo: a preocupación serve
para por as luvas cando fago a compra. Grazas preocupación!...
9.- Nestes momentos
que estamos vivindo é normal que os nenos se queixen de que se aburren, e isto
é normal. Están acostumados a ter o horario
moi estruturado e organizado e non teñen tempo para aburrirse.
Este aburrimento
considérase positivo, porque fará que o neno ou a nena sexa creativo para saír
desta situación. Por iso os pais non debedes solucionarlle totalmente o problema.
Non lles enchades a xornada con atividades, que sexan eles mesmos os que
aprendan a xestionar o seu temp, sobre todo os nenos mais maiores.
10.- Resulta beneficioso para o estado de ánimo
saír á fiestra uns minutos, respirar aire puro e sentir a calor da primavera!
¡MOITO ÁNIMO, XUNTOS PODEMOS! ¡QUEDAMOS NA
CASA!
